Actualidade mUVer

mUVers, espírito insuperable

Parabéns mUVer, es grande. Demostraches que podes con todo e que ti es mUVer pase o que pase. Es mUVer no inverno e na primavera, chova ou faga sol, porque a ti nada nin ninguén che impide levar unha vida sa. Formas parte dunha especie fascinante que acepta os retos e os gaña con récords... de hixiene, de respecto, de gardar as distancias, de subir de pódium en todas as fases. E se aínda non formas parte, esta é a túa oportunidade de facerte grande. Únete ao movemento, di #eusonmuveresponsable


Espíritu insuperable. Unha muller na piscina.

Augaventura

O programa específico de actividades no medio acuático inclúe dúas quendas, unha en outono e outra en primavera. Mediante estas actividades a comunidade universitaria ten a oportunidade de gozar, durante un día, de deportes no medio acuático en condicións moi vantaxosas. Aos tradicionais descenso de rápidos (rafting), surf, windsurf, kaiak+snorquel+andaina e flyboard engádense as actividades de wakeboard e de mergullo (bautismo en piscina e saída ao mar).  

AUGAVENTURA

Augaventura 2021/2022

ExploraCampus

ExploraCampus é unha iniciativa que ofrece actividades e recursos para a práctica deportiva ao aire libre na contorna dos campus de Vigo e Pontevedra. Este programa específico, que se desenvolverá con periodicidade mensual, abrangue actividades como rutas a pé, rutas en bicicleta, xeocaching, orientación, carreiras de montaña e quedadas running, entre outras.

EXPLORA CAMPUS

Exploracampus 2021/2022

Ponte en forma

"Ponte en forma" é un programa para comezar a práctica deportiva con apoio e asesoramento personalizado. O programa inclúe acceso á sala de cardio-fitness, actividades dirixidas, adestramento funcional en grupos reducidos e unha proposta de plan exercicio con seguimento personalizado. Podes comezar apuntándote á entrevista informativa gratuita na que identificaredes posibles necesidades, motivacións e obxectivos.

PONTE EN FORMA

Perde a túa preguiza con deportividade. Sala de cardio-fitness, adestramento funcional, seguimiento personalizado. Entrevista e valoración persoal gratuíta e sen compromiso, dende o luns 8 de marzo. Adestramento personalizado, dende o luns 15 de marzo. Infórmate e inscríbete en campusactivo.uvigo.gal

 

Abono mUVer

Todas as vantaxes, un só abono. O abono mUVer dáche acceso ás nosas salas cardiofitness, a múltiples actividades dirixidas, ás pistas de tenis e de atletismo... E, por se fora pouco, inclúe descontos nas escolas deportivas e nas actividades no medio natural. 

ABONO MUVER

Abono Muver 2021/2022

Actividades deportivas

A Universidade de Vigo oferta diferentes actividades dirixidas e acceso ás escolas deportivas, así como a posibilidade de practicar por libre o teu deporte favorito nas instalacións propias da universidade (o aluguer é de balde para a comunidade universitaria). Ademais, poderás asistir tamén a algunhas instalacións alleas a través dos convenios de colaboración que nos permiten proporcionar un mellor servizo e unha oferta máis ampla ás persoas da comunidade universitaria.

ACTIVIDADES DEPORTIVAS

Muller con máscara facendo pesas sobre fondo laranxa

Rutas culturais

Ao longo de todo o curso organizamos rutas de sendeirismo con diversos niveis de dificultade. Están dirixidas a todas aquelas persoas interesadas tanto no exercicio físico en si como no coñecemento do noso patrimonio natural e arqueolóxico. En moitos dos casos finalizan con actividades de tipo cultural, lúdico ou gastronómico, como un magosto. Estes percorridos, deseñados orixinariamente para a comunidade universitaria, amplíanse ao público en xeral no caso de que non se cubran a totalidade das prazas. Ademais, facilitamos un autobús que traslada as persoas participantes desde os campus de orixe ata o lugar de saída e de regreso.

RUTAS CULTURAIS

Rutas culturais 2021/2022