Bravxs: ilustracións e emoticonas de mulleres científicas, investigadoras e inventoras
Mulleres científicas, investigadoras e inventoras
A través destas caretas ilustradas por Marta Riera, exprofesora da Facultade de Belas Artes, a Universidade de Vigo pretende darlles visibilidade a mulleres científicas, investigadoras e inventoras con traxectorias vitais paradigmáticas nas que se observan trazas de inxustiza e discriminación no ámbito da ciencia (o chamado «efecto Matilda»), pese á importancia e á relevancia das súas achegas e descubrimentos.
Lynn Petra Alexander, primeira doutora honoris causa da Universidade de Vigo; Ángela Ruiz Robles, profesora ferrolá e deseñadora do primeiro prototipo de libro electrónico; Ada Lovelace, inventora da linguaxe de programación; Jane Goodall, primatóloga que revolucionou esta disciplina grazas ás súas observacións e análises; Hedy Lamarr, inventora da wifi; Jocelyn Bell, descubridora dos pulsares ou Rosalind Franklin, clave no descubrimento do ADN, son algunhas destas destacadas e fantásticas mulleres científicas e investigadoras.
Podes coñecer a súa biografía premendo en cada imaxe:
Emoticonas de Bravxs para WhatsApp
A Cátedra de Feminismos 4.0, promovida pola Universidade de Vigo e a Deputación de Pontevedra, achega outra forma de compartir as caretas das Bravxs, as mulleres referentes na ciencia e na tecnoloxía deseñadas por Marta Riera.
Agora tamén están dispoñibles para compartir en WhatsApp! Para conseguilas, cómpre seguir estes sinxelos pasos:
- Descarga a aplicación Sticker.ly.
- Copia a ligazón indicada máis abaixo e compártea a través de WhatsApp.
- Engade as emoticonas ao teu wasap.
- E listo! Xa quedan incorporadas no apartado de emoticonas de WhatsApp.
Para máis información
Unidade de Igualdade
igualdade@uvigo.gal
+34 986 813 419