
Explora o campus de Pontevedra
O campus de Pontevedra conta con cinco facultades (catro situadas na Xunqueira e unha no centro da cidade) e dous centros adscritos (un situado no centro da cidade e outro no concello veciño de Marín). A dirección e os servizos administrativos do campus localízanse na Casa das Campás e na Escola de Enxeñaría Forestal, respectivamente.
Podes ter que visitar o primeiro andar desta escola para a realización de trámites relacionados coa matrícula, bolsas, actividades de extensión ou para entregar algún documento no rexistro. Os servizos ofertados complétanse coa biblioteca central do campus (situada na Facultade de Ciencias Sociais da Comunicación), as cafeterías e comedores, a escola Infantil e o pavillón universitario. Convidámoste a facer unha visita virtual.
Enderezo postal
Campus universitario de Pontevedra, A Xunqueira, s/n
36005 Pontevedra
Campus Pontevedra-Centro
- Escola Universitaria de Enfermaría (centro adscrito)
- Facultade de Belas Artes
- Facultade de Deseño
- Pavillón Universitario
- Vicerreitoría do Campus de Pontevedra-Campus Crea
Campus Pontevedra-A Xunqueira
- Biblioteca Central do Campus
- Escola Infantil (A Galiña Azul)
- Escola de Enxeñaría Forestal
- Facultade de Ciencias da Educación e do Deporte
- Facultade de Comunicación
- Facultade de Fisioterapia
- Facultade de Dirección e Xestión Pública
Campus Pontevedra-Marín
Para máis información, podes contactar coa Área de Servizos á Comunidade do Campus de Pontevedra
asc-po@uvigo.gal
+34 986 801 949