Cinema
This content is currently not available in English
A programación artística e cultural da Universidade de Vigo inclúe diversos ciclos de cinema, proxeccións, cursos e obradoiros en que se tratan materias de interese formativo para o alumnado
Cinema en Pontevedra
Ciclo de cinema
Este ciclo de cine ten como obxectivo recoñecer a potencialidade reflexiva do cine, asimilar a súa transmisión conceptual e temática e comprender o seu rol ideolóxico nas diferentes épocas.
Entre os meses de novembro e de xaneiro, o ciclo organízase en sete sesións complementadas dunha presentación e dun coloquio, que terán lugar na Casa das Campás, a partir das 19.00 h, os venres 7, 14 e 28 de novembro, 19 de decembro e 16, 23 e 30 de xaneiro.
Novos Cinemas. Festival Internacional de Cinema de Pontevedra
A Vicerreitoría do Campus de Pontevedra participa na organización do ciclo Novos Cinemas, reafirmando o seu compromiso coa promoción da cultura, a creación audiovisual e o apoio ao talento emerxente. Esta colaboración contribúe a consolidar Pontevedra como un espazo de referencia para o cinema contemporáneo e para o diálogo entre creadoras, profesionais e público.
Cinema en Vigo
Ciclo de cinema: a lingua galega no cinema.
En outubro e en decembro desenvolverase a segunda edición do Ciclo de cinema: a lingua galega no cinema que organiza a Universidade de Vigo, co apoio da Deputación de Pontevedra e do Parque Nacional das Illas Atlánticas de Galicia. As proxeccións terán lugar no auditorio do Parque Nacional das Illas Atlánticas de Galicia (Edificio Cambón), na rúa da Oliva, 3, en Vigo. A entrada é de balde ata completar a capacidade.
Para máis información, podes contactar coa Sección de Extensión Universitaria:
Campus de Vigo
+34 986 813 626
extension@uvigo.gal
Campus de Ourense
+34 988 387 102
asc-ou@uvigo.gal
Campus de Pontevedra
+34 986 801 949 | 986 801 955
asc-po@uvigo.gal