Christmas concert

Ao longo da súa historia, ten reunido as mellores voces e músicas do país, acompañadas por artistas nacionais e internacionais, que conxuntamente fan deste un concerto único e exclusivo. A Universidade de Vigo ofrece á cidadanía con este concerto, un espectáculo inesquecible nas tradicionais datas de Nadal. 
 
Nas súas últimas edicións, o concerto de Nadal da Universidade de Vigo acolleu a música, narración, historia e vangarda de artistas consolidadas como Cristina Pato, que cun concerto en homenaxe ao Pergamiño Vindel no Teatro Afundación de Vigo en 2018, co músico Anxo Pintos, coa violinista Begoña Riobó, a cantante de hip-hop Wöyza, co Coro da Mariña dirixido por Ugía Pedreira e Pierrot Rougiern. Outras artistas consolidadas da música que participaron nas últimas edicións do concerto de Nadal foron Guadi Galego e Sonia Lebedynski, Abe Rábad, Santi Cribeiro, Pablo Pascual ou Javier Ruibal.

Ao abeiro dun convenio de colaboración asinado no ano 2022 entre a Universidade de Vigo e a Orquestra Clásica de Vigo, o Concerto de Nadal correrá a cargo deste conxunto durante tres anos de xeito rotatorio entre os diferentes campus universitarios. Este ano correspóndelle ao campus de Vigo.