Asisten: Salustiano Mato, reitor en funcións da Universidade de Vigo; Alberto Núñez Feijóo, presidente da Xunta de Galicia; Román Rodríguez, conselleiro de Cultura, Educación e Ordenación Universitaria; Jesús Vázquez, alcalde de Ourense; Rosendo Fernández, vicepresidente da Deputación Provincial de Ourense, e Ernesto Pedrosa, presidente do Consello Social da Universidade de Vigo, entre outras autoridades

Acto de inauguración do edificio do Campus da Auga. Construída no marco do proxecto de especialización do campus de Ourense como Campus da Auga, a obra estivo financiada con case 4,5 millóns de euros pola Xunta de Galicia con Fondos Feder e conta con máis de 3500 metros cadrados destinados a fortalecer as insfraestruturas de investigación do campus de Ourense. O novo edificio acollerá 16 laboratorios tanto de investigación como da Escola de Enxeñaría Aeronáutica e do Espazo da Universidade de Vigo.