O Instituto de Estudos Vigueses, en colaboración coa Universidade e o Concello de Vigo, organiza o Fórum IEV 2019, un ciclo de conferencias que arrancou en xaneiro e se prolongará ata o vindeiro mes de decembro.

Este mes a conferencia corre a cargo de Brais Currás, investigador da Universidade de Coimbra e do grupo de investigación EST-AP do CSIC, e Mar Cortegoso, directora das escavacións do proxecto A Guarda, Mar de Sal que ofrecerán o relatorio A produción de sal na costa atlántica do noroeste da península ibérica. Na súa intervención, os expertos presentarán os resultados preliminares deste proxecto, realizado para investigar, documentar e revalorizar os xacementos localizados entre a desembocadura do río Douro e a ría de Vigo.