A Sala X acolle a exposición Al cantar brilla, que reúne traballos de cerámica, pintura e debuxo realizados por catro egresados da Facultade de Belas Artes: Teresa Pece, responsable do proxecto expositivo, Borja Guerrero, Aram Ríos e Andrea Rosob. A mostra, que poderá visitarse ata o 27 de abril, toma como punto de partida a idea da subxectividade e o feito de a especifidade e complexidade da arte plástica galega contribuísen a facer do simbólico "unha cuestión particular e insolitamente individual", segundo sinalan os seus responsables.