O salón de actos da Escola Naval Militar acolle a mesa redonda Ciberameazas e tendencias no ciberespazo, dentro das actividades da Cátedra Almirante Álvarez-Ossorio, que a ENM promove xunto coa Universidade de Vigo. 

Neste coloquio con entrada libre interveñen Martín Obiols, responsable global de riscos de seguridade da información do BBVA; Luis Hidalgo, do Gabinete de Dirección do Instituto Nacional de Ciberseguridad de España (INCIBE), e Francisco Javier Roca, contralmirante do EMAD-Mando Conjunto del Ciberespacio. O coloquio ten como moderador ao xornalista do Diario de Pontevedra Santy Mosteiro e abordará o problema das ciberameazas desde un enfoque institucional, público e privado.