Bolsas de colaboración en proxectos de investigación do Consello da Cultura Galega 

O Consello da Cultura Galega convoca 5 bolsas de colaboración nos seus proxectos de investigación por unha duración de sete meses. A contía das bolsas será de 1000 euros mensuais. 

Requisitos xerais

• Rematar os estudos no curso académico 2010/11 ou posteriormente.
• Acreditar coñecemento da lingua galega no nivel de perfeccionamento ou Celga 4.
• Posuír unha nota media no seu expediente académico igual ou superior a 6 puntos.

Tipos de bolsas

• Unha bolsa para colaborar na Área de Publicacións
  • Esta bolsa ten como finalidade colaborar na Área de Publicacións do Consello da Cultura Galega.
  • Titulacións requiridas: licenciatura ou grao en Filoloxía Galega, Galego-Portuguesa, Lingua e Literatura Galegas ou titulacións equivalentes.
• Dúas bolsas para colaborar na Área de Comunicación
  • Estas bolsas teñen como finalidade colaborar na Área de Comunicación do Consello da Cultura Galega.
  • Titulacións requiridas: título de licenciatura ou grao en Ciencias da Comunicación, Comunicación Audiovisual ou titulacións equivalentes.
• Dúas bolsas para colaborar na Área de Documentación
  • Estas bolsas teñen como finalidade colaborar na Área de Documentación do Consello da Cultura Galega.
  • Titulacións requiridas: título de licenciatura ou grao en Información e Documentación ou titulacións equivalentes.

As solicitudes poden tramitarse na sede electrónica co procedemento PR970B.
O prazo para presentar solicitudes estará aberto ata o 29 de maio de 2019.
Máis información no DOG do 29 de abril de 2019 e na web.