Dentro do ciclo Cine e Lingua, o edificio Cambón proxecta Paterson. O filme, dirixido por Jim Jarmusch, conta a historia de Paterson, un condutor de autobús e poeta afeccionado da cidade de Paterson que está fascinado polas pequenas cousas. A longametraxe, proxectada en inglés con subtítulos en español, constitúe unha observación dos triunfos e das derrotas da vida diaria a través da poesía.

Esta é unha das últimas películas deste ciclo de Cine e Lingua, que se enmarca na programación cultural organizada pola Universidade de Vigo.

A entrada é de balde ata completar aforamento.