Asiste: Eva María Lantarón, vicerreitora do campus de Pontevedra

A Aula Permanente de Música Tradicional do Campus de Pontevedra pecha a serie de actuacións que levou a cabo ao longo do mes de xuño en diferentes prazas da cidade cunha actuación na alameda. Neste concerto, os preto de 30 integrantes do seu grupo de gaitas e percusión interpretan un repertorio baseado en pezas tradicionais e populares acompañados por integrantes de diferentes agrupacións. Concretamente, participan nesta actuación a Escola de Instrumentos Populares Galegos Suso Vaamonde, a Escola de Música de Salceda de Caselas, a agrupación Téquexetéldere, a Escola de Música e Baile Tradicional Concello de Outes, a asociación A Fuliada e a asociación Hai que roelo.