Entre os días 15 ao 19 de xullo unha vintena de persoas expertas en estudos mariños e autoridades de universidades e centros de investigación de China e Cabo Verde participan na Semana internacional sobre estudos mariños: enfoques multidisciplinares, organizada pola Universidade de Vigo e Campus do Mar e financiada polo programa Erasmus+.

Ao longo da semana celébranse reunións de traballo, presentacións de actividades académicas e de investigación e realizaranse visitas a centros de investigación da Universidade de Vigo.