Co gallo da conmemoración o día 23 de setembro do Día Internacional contra a Explotación Sexual e Tráfico de Mulleres, o campus de Ourense acolle as Xornadas contra a explotación sexual, organizadas pola Unidade de Igualdade da Universidade de Vigo e o Concello de Ourense. A programación arranca o día 23 de setembro coa celebración dun 'cineforum' no que se proxectará o documental Serás hombre, contando o acto coa participación da súa directora, Isabel de Ocampo. O día 24 a actividade continuará cun relatorio, no que tamén participará Isabel de Ocampo, a cargo de Silvia Pérez, profesora asociada da Universidade de Vigo, sobre Os homes e a prostitución: por que dicimos trata se falamos de prostitución?.