A Facultade de Historia do campus de Ourense acolle os días 21 e 22 de outubro a celebración das xornadas Os primeiros Borbóns. Poder e dinámica política. A iniciativa, coordinada por María López e María de Carmen Saavedra, está organizada polo equipo do proxecto de I+D El reino de Galicia en la monarquía de Felipe V e polo Grupo de Investigación H2M-Equipo Historia Moderna da Universidade de Vigo. Nas xornadas, especialistas de diferentes universidades abordarán diversos aspectos deste reinado, como a xustiza, o goberno, a guerra e a facenda.