DUVI

Diario da Universidade de Vigo

30 estudantes participaron na actividade

Alumnado de Dereito visitaron o Centro de Menores de Montealegre e a prisión de Pereiro de Aguiar

O seu obxectivo foi achegar ás e aos futuros xuristas a realidade destes espazos

Etiquetas
  • Entidades Colaboradoras
  • Estudantes
  • Medios
  • PAS
  • PDI
  • Público externo
  • Ourense
  • Estudantado
  • Estudantes
DUVI Ourense 27/04/2022

30 alumnas e alumnos da Facultade de Dereito do campus de Ourense que cursan as materias de Dereito Penal de Menores e Criminoloxía e Dereito Penitenciario, acompañados polo seu profesor Manuel Arias, visitaron o Centro de Menores de Montealegre e o Centro Penitenciario de Pereiro de Aguiar. Na visita foron atendidos polos directores e profesionais dos centros, que lles explicaron o seu funcionamento e características, percorreron as instalacións e tiveron a posibilidade de falar con algúns dos internos e internas no caso do Centro Penitenciario de Pereiro de Aguiar. Esta saída de campo, que se viña realizando cada curso académico antes da pandemia, tivo como obxectivo complementar a formación teórica do alumnado, dándolle a oportunidade de coñecer de forma directa a realidade do funcionamento dos centros onde compren medidas de internamento as e os menores ou penas privativas de liberdade os adultos.