Bolsas de formación en biblioteconomía na Rede de Bibliotecas Públicas de Galicia
A Consellería de Cultura convoca, en rexime de concorrencia competitiva, 33 bolsas de formación en biblioteconomía, con acompañamento de titor/a, para o tratamento técnico dos fondos, así como calquera outra actividade que permita a súa formación e coñecemento dos diversos servizos bibliotecarios. A duración das bolsas será de 7 meses e a dotación económica de 930 € brutos mensuais.
As persoas beneficiarias recibirán a súa formación nas seguintes bibliotecas públicas:
- Biblioteca de Galicia
- Biblioteca Pública de Santiago Ánxel Casal
- Biblioteca Pública da Coruña Miguel González Garcés
- Biblioteca Pública de Lugo
- Biblioteca Pública de Ourense
- Biblioteca Pública de Pontevedra Antonio Odriozola
- Biblioteca Pública de Vigo Juan Compañel
- Biblioteca Pública Municipal de Ferrol (Central)
Requisitos
Titulación universitaria de licenciatura ou diplomatura en Biblioteconomía ou Documentación; grao en Información e Documentación; licenciatura ou grao en Historia ou Xeografía e Historia, Filoloxía ou Lingua e Literatura, Ciencias da Cultura e Difusión Cultural e Humanidades.
As solicitudes presentaranse obrigatoriamente en https://sede.xunta.gal co procedemento CT233A.
Prazo de presentación de solicitudes: ata o 10 de marzo de 2020.
Máis información aquí