Lectores/as de español en universidades estadounidenses
Fulbright España convoca o programa de bolsas Fulbright Foreign Language Teaching Assistants (FLTA) cun total de ata 11 prazas durante o curso académico 2021/2022 dirixidas ás disciplinas de educación, ensinanzas de idiomas e filoloxías.
A finalidade das bolsas é ofrecer a oportunidade de adquirir experiencia no ensino de español e coñecer profundamente a sociedade e cultura estadounidenses. Os e as participantes, ademais das súas responsabilidades docentes, cursarán materias de estudos universitarios e participarán en actividades extracurriculares.
Características das bolsas
- A duración das bolsas será dun curso académico de 9 meses, sen posibilidade de renovación
- O período de goce será de agosto/setembro de 2021 a maio/xuño de 2022, en función do calendario da institución de destino
- A dotación das bolsas será de 4000 $ máis unha axuda complementaria de cada universidade (aloxamento, manutención, estipendio etc.) e seguro de enfermidade e accidente
Requisitos
- Ter a nacionalidade española e residir en España no momento de apertura da convocatoria e durante o proceso de selección
- Título de grao ou licenciatura que non sexa anterior a xuño de 2013 nin posterior a outubro de 2020
- Formación acreditada ou experiencia laboral no ensino de idiomas ou en educación
- Bo nivel de inglés demostrable con exame TOEFL (mínimo 90), IELTS (mínimo 6,5), Duolingo (mínimo 115)
Información e solicitudes
Prazo de presentación de solicitudes: ata o 15 de outubro de 2020.
Máis información aquí.