Proceso selectivo do Instituto de Astrofísica de Canarias para un enxeñeiro/a mecánico ou aeroespacial
O Instituto de Astrofísica de Canarias ten aberto un proceso selectivo dun contrato laboral para un enxeñeiro/a en Mecánica ou Aeroespacial para o proxecto “Telescopio ExoLife Finder, miniELF”.
O proceso selectivo constará de dúas fases: a primeira consistirá nun concurso de méritos e a segunda será unha entrevista para as candidaturas que superen a primeira fase.
Funcións do posto
- Seguimento de contratos para o deseño e a fabricación de sistemas optomecánicos.
- Deseño e análise de ensamblaxes optomecánicos.
- Atermalización de sistemas optomecánicos.
- Manexo de ferramentas CAD (PTC CREO) para o deseño de pezas e ensamblaxes, cálculo, e realización de planos técnicos para a fabricación de pezas.
- Manexo de ferramentas CAE (ANSYS Workbench) para o dimensionamento de estruturas e de compoñentes mediante a análise por elementos finitos tanto estáticos como dinámicos-vibracións e térmicos.
- Xestión da fabricación de pezas prototipo.
- Deseño e montaxe de prototipos funcionais.
- Deseño de útiles e posta a punto de bancos de probas de sistemas mecánicos.
- Manexo de ferramentas e instrumentación de laboratorio da especialidade mecánica.
- Asistencia técnica no proceso de licitación e de compra de compoñentes propios da especialidade.
- Interacción con outras disciplinas e definición de interfaces coa plataforma e internamente cos diferentes subsistemas.
- Asistencia a congresos e a foros.
- Redacción de documentación científico-técnica.
Características da oferta
Data estimada de inicio: xaneiro de 2022.
Data estimada de fin de obra: xullo de 2023, unha vez concluído o traballo técnico da ensamblaxe do prototipo MiniELF
Salario bruto anual de 35.374,61 euros (salario base, pagas extraordinarias, indemnización por residencia e complemento de produtividade).
Prazo de inscrición
Aberto ata o 15 de decembro de 2021.
Máis información e incrición aquí.