Curso para PDI, PAS e estudantes de doutoramento

O selo de excelencia HR

Preinscrición aberta

Universidade / UVigo - Calidade 21/03/2019

O selo de excelencia HR

A estratexia de recursos humanos para o persoal investigador HR Strategy for Researchers HRS4R é unha iniciativa da Comisión Europea que ten como obxecto contribuír ao desenvolvemento dun mercado laboral de interese para este colectivo mediante o logotipo HR Excellence in Research (Excelencia en Recursos Humanos de Investigación). 

Desde o lanzamento do proxecto en 2005, no panorama mundial, un milleiro de institucións dunha trintena de países manifestaron o seu apoio e máis de 400 institucións xa obtiveron o logo de excelencia. En España apoiaron a iniciativa 98 organizacións e 72 institucións xa contan co logo, entre elas, 17 universidades.

A Universidade de Vigo obtivo o selo de excelencia en Recursos Humanos de Investigación, HR Strategy for Researchers HRS4R, que recoñece publicamente as institucións que progresan na adecuación das súas políticas de recursos humanos aos principios definidos na Carta Europea do Investigador e do Código de Conduta para a contratación deste persoal.

O logo permítelles ás institucións que o teñen concedido destacar o seu compromiso cunha contratación xusta e transparente e unha avaliación do desempeño do seu persoal investigador.

Máis información sobre o selo HR na Universidade de Vigo aquí.
 

Curso HR: o selo de excelencia para mellorar o mercado laboral dos investigadores e investigadoras

Dentro das actividades formativas institucionais da Universidade de Vigo, a Vicerreitoría de Investigación e a Vicerreitoría de Ordenación Académica e Profesorado organizan o Curso HR: o selo de excelencia para mellorar o mercado laboral dos investigadores e investigadores.

Dirixido ao persoal docente e investigador e ao estudantando de doutoramento, o curso ofertarase en tres modalidades: presencial, virtual streaming e virtual diferido.

Máis información sobre datas e matrícula aquí.

Para máis información:

Vicerreitoría de investigación
Edificio Filomena Dato
As Lagoas, Marcosende
36310 Vigo
+34 986 813 597
vicinv@uvigo.es