Unidade de Diversidade

De acordo co artigo 43 da Lei orgánica do sistema universitario (LOSU), a Unidade de Diversidade é a encargada de coordinar e de incluír de maneira transversal o desenvolvemento das políticas universitarias de inclusión e de antidiscriminación no conxunto de actividades e de funcións da Universidade de Vigo. O seu obxectivo é reforzar a atención á diversidade e crear un novo modelo de apoio inclusivo, orientado cara a un proceso de asesoramento, formador e facilitador dunha serie de recursos que axuden na práctica educativa e laboral na Universidade de Vigo.

Funcións

• Atender a diversidade sexual e de xénero (colectivo LGTBIQA+), así como outros colectivos infrarrepresentados, de tipo étnico-cultural e outros.
• Coordinar as situacións de discapacidade e de necesidades específicas de apoio educativo (NEAE) integradas no Servizo de Extensión Universitaria (atención ao estudantado).

Horario de atención

Martes, mércores e xoves, de 8.00 a 14.30 h, no Edificio de Facultades, soto, As Lagoas, 32004 Ourense

Luns e venres, de 8.00 a 14.30 h, no Edificio Ernestina Otero, 3.º andar, As Lagoas, Marcosende, 36310 Vigo