A Biblioteca

A Biblioteca Universitaria ofrece un amplo conxunto de recursos de información, espazos e servizos para dar soporte ás actividades de aprendizaxe, docencia e investigación

Presente nos tres campus a través dunha rede formada por once bibliotecas coordinadas pola biblioteca central do campus de Vigo, a Biblioteca Universitaria forma parte da Vicerreitoría de Investigación, Transferencia e Innovación.

Aínda que está dirixida principalmente aos membros da comunidade universitaria, a biblioteca permite o acceso de persoas alleas a Universidade de Vigo en calidade de usuarios externos.

Se es estudante novo ou estudante estranxeiro e queres saber como dar os teus primeiros pasos na biblioteca, consulta a nosa Guía para o alumnado de novo ingreso ou a Guía para estudantes internacionais (en inglés).

A biblioteca xestiónase cun sistema de xestión da calidade certificado baixo a norma ISO 9001. Do mesmo xeito, forma parte de contornas cooperativas como Rebiun, o CISUG (antes Consorcio Bugalicia), Dialnet e UNICi2.

Horario ao público

Horarios ordinarios (de luns a venres, agás festivos)

Biblioteca central de Vigo, de 8:30 a 21:00 h.
Biblioteca central de Ourense, de 8:30 a 21:00 h.
Biblioteca central de Pontevedra, de 8:30 a 21:00 h.
Biblioteca de Belas Artes, de 8:30 a 20:45 h.
Biblioteca de Ciencias Económicas e Empresariais, de 8:30 a 20:45 h.
Biblioteca de Ciencias Experimentais, de 8:30 a 20:45 h.
Biblioteca de Ciencias Xurídicas e do Traballo, de 8:30 a 20:45 h.
Biblioteca de Filoloxía e Tradución, de 8:30 a 20:45 h.
Biblioteca de Industriais-Minas, de 8:30 a 20:45 h.
Biblioteca de Telecomunicación, de 8:30 a 20:45 h.
Biblioteca de Torrecedeira, de 8:30 a 21:00 h.

Horarios de fin de semana e festivos (abril-xullo 2024)*

Nas bibliotecas centrais dos campus de Vigo, Ourense e Pontevedra e na biblioteca de Torrecedeira, de 9:00 a 21:00 h., os sábados e domingos desde o 27 de abril ao 14 de xullo, máis o festivo do 1 de maio e, en Pontevedra, o festivo local do 11 de xullo.

* Durante estes horarios de fin de semana as bibliotecas só prestan un servizo de espazo de estudo, pero non outros servizos ordinarios como préstamo, préstamo interbibliotecario, acceso a recursos electrónicos etc.

Horarios nocturnos (abril-xullo 2024)*

Nas bibliotecas centrais dos campus de Ourense e Pontevedra e na biblioteca de Torrecedeira, o horario ordinario ampliarase ata a 1:00 da madrugada, de luns a venres (agás festivos) desde o 29 de abril ata o 28 de xuño. No mes de xullo, desde o día 1 ata o 12, o horario nocturno rematará ás 0:00 h.

* Durante estes horarios nocturnos, a partir das 21 h. as bibliotecas só prestan un servizo de espazo de estudo, pero non outros servizos ordinarios como préstamo, préstamo interbibliotecario, acceso a recursos electrónicos etc.

Ampliación do horario ordinario no mes de xullo 2024

Ampliación do horario ordinario ata as 21:00 h. durante os períodos de redución horaria do mes de xullo, de luns a venres (agás festivos), do 1 ao 12 de xullo nas bibliotecas centrais dos campus de Vigo, Ourense e Pontevedra e na biblioteca de Torrecedeira