Asisten: Manuel Reigosa, reitor da Universidade de Vigo; Luis Alonso, decano da Facultade de Filoloxía e Tradución; Alexandre Rodríguez, director do Departamento de Filoloxía Galega e Latina; Jorge Luis Bueno, director do Servizo de Publicacións da Universidade de Vigo e os editores do libro-homenaxe, os profesores Xosé A. Fernández Salgado e Aquilino S. Alonso.

O salón de graos da Facultade de Filoloxía e Tradución acolle un acto de homenaxe ao profesor, xa xubilado, Antón Palacio. Durante este evento faráselle entrega dun libro de homenaxe que lle dedica o Departamento de Filoloxía Galega e Latina por todos os anos consagrados á docencia, investigación e xestión na Universidade de Vigo.