O campus de Vigo é o escenario este xoves 27 de marzo dun evento participativo de ciencia cidadá que ten por obxectivo que as persoas participantes identifiquen o maior número de especies nun tempo determinado. É o que se coñece como bioblitz, unha actividade organizada pola Unidade de Cultura Científica, UCC+i da Universidade de Vigo. 

Inserido dentro do programa Ciencia de ida e volta que se desenvolve co financiamento da Fundación Española para la Ciencia y la Tecnología (FECYT) – Ministerio de Ciencia e Innovación, o bioblitz está aberto a toda a cidadanía, que poderá coñecer e explorar os ecosistemas do campus converténdose en “exploradoras e exploradores das ricas contornas naturais" do campus. 

Esta actividade é de balde, pero é preciso inscribirse previamente neste enderezo.