Dentro do ciclo de cinema programado pola Vicerreitoría do campus para o segundo cuadrimestre do pasado curso e do que a situación xerada pola covid-19 obrigou á suspensión de varias das proxeccións, o Teatro Principal acolle a proxección do filme O bico mortal (1955), de Robert Aldrich. Inserida no ciclo de cinema sobre conspiracións Entre tebras, a proxección contará con entrada libre ata completar un aforo de 70 localidades.