Os profesores da Facultade de Ciencias Sociais e da Comunicación Alberto Dafonte e Andrés Fraga coordinan o ciclo de coloquios virtuais Redes Galegas, dirixido a analizar a importancia das redes sociais dentro da comunicación do século XXI e o papel que estas poden xogar á súa vez na difusión do galego. A segunda sesión deste ciclo, patrocinado pola Área de Normalización Lingüística da Universidade de Vigo e a Secretaría Xeral de Política Lingüística da Xunta de Galicia, contará coas intervencións da ex-alumna da facultade Adriana Villamisar, directora de arte na axencia Nasas, e da profesora Pilar Ponte, impulsora da iniciativa 21 días co galego.