O Máster en Investigación e Innovación en Didácticas Específicas para Educación Infantil e Primaria organiza un ciclo virtual de conferencias dirixido a achegar unha serie de experiencias concretas de investigación e innovación no eido educativo.

Coordinado polo profesor Uxío Pérez, o ciclo ábrese ás 16.30 horas coa conferencia da profesora da Universidad de Almería Sensociencia: ciencia con sentido, con sensores e con sensacións. Ás 18.00 horas terá lugar o relatorio Promoción de estilos de vida saudables desde o contexto escolar. Un método de investigación, dos profesores da Universidade da Coruña Belén Toja e Miguel Ángel González; e ás 19.00 horas pechará a xornada a conferencia Educación física en francés: aplicación de estratexias e creación de materiais, da profesora do IES Valle-Inclán Ana Santos.