A Facultade de Ciencias da Educación e do Deporte acolle a conferencia Aulas hospitalarias. Humanización artístico-pedagóxica para o desenvolvemento cognitivo, físico e social, a cargo da pedagoga e educadora social Pilar Porta, responsable da aula hospitalaria do Hospital Arquitecto Marcide de Ferrol. Dirixida polas profesoras da Área de Didáctica da Expresión Plástica Cristina Varela, Begoña Paz e Iciar Ezquieta, investigadoras do grupo Remoss, e patrocinada pola Vicerreitoría do campus, esta actividade céntrase en afondar no labor das aulas que garanten a continuidade do proceso de aprendizaxe dos nenos e nenas hospitalizados.