O Consello de Campus de Pontevedra celebra unha sesión ordinaria de xeito virtual, a través do Campus Remoto da Universidade de Vigo, atendendo ás medidas de loita contra a COVID-19. A sesión contará con informes de Manuel Reigosa, reitor da Universidade de Vigo; Jorge Soto, vicerreitor do Campus de Pontevedra; Manuel Ramos, vicerreitor de Ordenación Académica e Profesorado, e María Isabel Doval, vicerreitora de Responsabilidade Social, Internacionalización e Cooperación, que farán balance das súas respectivas áreas de traballo.