O ciclo de cinema documental Docs del Mes, que a Vicerreitoría do campus promove en Pontevedra coa colaboración do Concello, retorna neste mes de setembro ao Teatro Principal coa proxección de Womanhood. Dirixido pola cineasta de orixe keniana Beryl Magoko, o documental aborda a realidade da mutilación xenital feminina a través dunha viaxe emocional da propia directora, no que Magoko aborda, xunto con outras vítimas, o sufrimento físico e emocional que lle supuxo a mutilación.