A sala de exposicións do edificio Redeiras acolle ata o 30 de xuño a exposición itinerante 100 Lunas Cuadradas, que presenta diferentes tipos de obxectos astronómicos e algúns descubrimentos relevantes en astrofísica, a través dunha serie de fotografías realizadas no Observatorio do Teide, do Instituto de Astrofísica de Canarias (IAC). A mostra insírese no plan anual de actividades da Unidade de Cultura Científica e da Innovación da Universidade (UCC+i) Ciencia de ida e volta, que conta coa colaboración da Fundación Española para la Ciencia y la Tecnología-Ministerio de Ciencia e Innovación.