Dentro da programación da Semana da Creatividade e da Innovación, a sala de exposicións da Vicerreitoría acolle a exposición 12+1. Os Xogos Olímpicos nos últimos 50 anos, do deseñador gráfico Carlos David Illescas Vacas. Organizada coa colaboración do Centro de Estudos Olímpicos da Universidade de Vigo, esta mostra reúne unha serie de imaxes nas que Illescas presenta a súa interpretación das cidades que foron sede dos Xogos no último medio século.