Décimo primeira edición da exposición Afinidades Selectivas, comisariada pola profesora de Belas Artes Chelo Matesanz, e que leva por título unha frase de Noam Chomsky, Ideas verdes incoloras dormen furiosamente, creada como exemplo de estructura gramaticalmente correcta pero sen significado aparente. Esta mostra reúne pezas de oito artistas que inicialmente se coñeceron nos procesos de aprendizaxe na Facultade de Belas Artes de Pontevedra, como estudantes ou como docentes. A mostra estivo exposta do 6 de febreiro ata o 15 de marzo e trala crise da COVID-19 volveu a abrirse o día 2 de xuño.