A Facultade de Educación e Traballo Social acolle a mostra Aquela nena de Sarria, do Colectivo Egeria, na que se abordan os primeiros anos de vida e de formación da escritora homenaxeada no Día das Letras Galegas 2021, Xela Arias. A exposición, que estará na planta baixa do Edificio de Ferro ata o 15 de xuño, conta co patrocinio da Consellaría de Cultura, Educación e Universidade da Xunta, ademais da colaboración do Concello de Sarria e a Real Academia Galega.