O Pazo da Cultura acolle a exposición Do final e do comezo, que reúne as obras que 26 novos titulados e tituladas en Belas Artes desenvolveron como traballos de fin de grao. Organizada polo Concello de Pontevedra e a Facultade de Belas Artes e comisariada pola artista e docente Basilisa Fiestras, a exposición pode visitarse ata o 30 de outubro.

Xunto ás esculturas, pinturas, fotografías, instalacións, vídeos ou pezas en cerámica do alumnado, a mostra conta tamén con dúas pezas cedidas pola facultade da artista e docente Berta Cáccamo, falecida en 2018.