O Pazo da Cultura acolle a exposición Do final e do comezo 2021. Unha odisea no Pazo, que reúne unha selección de obras nacidas como parte dos traballos de fin de grao de 38 titulados e tituladas das dúas últimas promocións de graduados en Belas Artes. Organizada pola facultade e a Concellería de Cultura do Concello de Pontevedra, a mostra, comisariada polas docentes María Covadonga Barreiro e Sonia Tourón, poderase visitar ata o 28 de setembro.

A exposición pode visitarse de martes a venres de 18.00 a 21.00 horas, os sábados de 12.00 a 14.00 e de 18.00 a 21.00 horas e os domingos e festivos de 12.00 a 14.00 horas.