Asisten: Jorge Soto, vicerreitor do campus de Pontevedra; José Ramón Lete, secretario xeral para o Deporte da Xunta  de Galicia; Tino Fernández, tenente de alcalde e concelleiro de Deportes; Vicky Alonso e Gorka Gómez, deputados provinciais de Cultura e Deportes; Ignacio Solana, director do Tour Universo Mujer, e Noelia Florín, representante do departamento de patrocinio de Iberdrola

Dentro das actividades do Tour Universo Mujer, que o Consejo Superior de Deportes e a Fundación Deporte Joven impulsan entre o 6 e o 8 de marzo en Pontevedra, a Vicerreitoría do campus acolle un foro dedicado a proxectar e recoñecer o papel da muller no deporte. Coa participación na organización da Vicerreitoría do campus, o Concello de Pontevedra e a Deputación Provincial, o evento artículase en tres mesas que abordarán a participación da muller no deporte de competición, cuestións vinculadas con saúde e deporte e a representación informativa das deportistas. As mesas contarán coa participación de deportistas como as olímpicas Teresa Portela e Sara Hurtado, investigadoras do campus pontevedrés, xornalistas e outra serie de profesionais.