O Clube Deportivo de Minas e Enerxía organiza a I Olimpiada Minas e Enerxía, que se celebra os días 21, 22 e 23 nas instalacións deportivas do campus de Vigo. O evento inaugúrase ás 12.00 h do xoves cunha cerimonia de benvida no vestíbulo da Escola de Enxeñaría de Minas e Enerxía e tras unha comida, as competicións comezan ás 15.00 h e estendense ata as 19.00 h. O venres 22 as actividades deportivas son entre as 10.00 h e as 19.30 h, agás de 13.00 h a 15.00 h, tempo para comer. O sábado remata o evento coas competicións na mañá, de 10.00 h a 14.00 h, e pola noite faise entrega dos premios nunha cea conxunta das e dos participantes.