O grupo de investigación CTS-261 da Universidad de Granada, a Vicerreitoría do campus de Pontevedra da Universidade de Vigo, o Instituto de Educaçao da Universidade do Minho e a Facultade de Psicoloxía e de Ciências da Educação da Universidade de Porto organizan, entre o 20 e o 22 de outubro, o noveno International Congress of Educational Sciences and Development. Dirixido a académicos, investigadores e profesionais das ciencias da educación e a psicoloxía do desenvolvemento, o congreso desenvólvese de xeito virtual e nel participan preto de 500 especialistas e profesionais.