A Facultade de Filoloxía e Tradución acolle a xornada Os contos galegos alternan cos do mundo, unha mesa redonda que servirá para presentar o libro Catalogue of galician folktales, da profesora Camiño Noia. Este monográfico é unha obra de referencia para o estudo dos contos de tradición oral en Galicia e nas áreas de lingua galega nas Asturias, León, Zamora e Cáceres (Vale do Ellas) e constitúe unha valiosa fonte de información para as e os investigadores de contos tradicionais internacionais.

No evento participan, ademais da propia Camiño Noia, o profesor invitado da Universidade  do Algarve, Paulo Correia. Modera a mesa Burghard Baltrusch, coordinador do grupo de investigación BiFeGa: Grupo de investigación en estudos literarios e culturais, tradución e interpretación.

O acto ten lugar no salón de graos B3 da facultade.