No marco do programa de actividades impulsado pola Vicerreitoría do campus con motivo da conmemoración do Día das Letras Galegas, a Casa das Campás acolle a presentación do libro-disco Saudades d´alborada, do que é editor o musicólogo Javier Jurado e que se centra na figura do compositor Reveriano Soutullo. O acto completarase coa actuación da soprano Loli Crespo e o pianista Alejo Amoedo.

Por mor das limitacións de aforo ás que obriga a covid-19, o acto terá limitada a súa asistencia presencial, pero poderá seguirse de xeito virtual no Campus Remoto, a través do seguinte enlace, empregando o contrasinal Ky8fRT no acceso para estudantado.