A Facultade de Educación e Traballo Social do campus de Ourense organiza a presentación de dous libros de temática social. O primeiro deles é A marcha de Anxo, de Pablo Veiga. Nel, o seu protagonista, Anxo, leva ao público lector a un percorrido no que lembra personaxes e historias que formaron a súa existencia nas aforas dunha vila galega na súa derradeira noite antes dunha mudanza.O segundo é Turno de vacaciones, de Fernanda Arrojo, e nel proponse "unha viaxe ao pasado para comprender as vivencias de Amanda e Pilar nunhas vacacións na illa de Mallorca dentro dun programa de turismo social para persoas con discapacidade.