O Museo de Arte Contemporánea de Vigo, Marco, acolle unha nova sesión do ciclo de cine Mulleres (d)e Abril. As realizadoras e a revoluçao coa proxección de 48  (2009, Susana De Sousa Dias), con debate posterior con Diana Gonçalves.

Neste filme, Susana de Sousa Días utiliza fotografías de prisioneiros políticos da PIDE, a policía política do Estado Novo, para reconstruir as súas historias de represión e resistencia. 48 é un retrato impresionante da brutalidade do réxime e da forza daqueles que loitaron contra el.