A Facultade de Historia do campus de Ourense acolle os días 27 e 28 de febreiro o Seminario Científico Internacional Monarquías ibéricas, poderes e territorios. Institucións, nobreza e dinámicas políticas (s. XVIII). A cita está organizada no marco do proxecto de I+D financiado polo Ministerio de Economía e Competitividade O reino de Galicia na monarquía de Felipe V e polo Grupo de Investigación H2M-Equipo Historia Moderna da Universidade de Vigo. O seminario reúne a investigadoras e investigadores de distintas disciplinas e universidades cuxas investigacións se orientan ao estudo do poder nas monarquías ibéricas do setecentos.