O Consello de Goberno celebra a primeira sesión ordinaria do ano, cunha orde do día integrada por 17 puntos. Entre outras cuestións, o órgano de goberno da UVigo abordará a aprobación da convocatoria de concesión de anos sabáticos para o vindeiro curso, o calendario e procedemento para a aprobación de verificación e modificación de titulacións de grao, máster e doutoramento para o curso 22/23 e a modificación das medidas relativas ás condicións de traballo do PDI para este curso.

Na sesión, que se celebrará de xeito presencial no Paraninfo do edificio Ernestina Otero e tamén a través Campus Remoto, tamén se presentará a Memoria de responsabilidade social da UVigo do ano 2019. O inicio da sesión está fixada para as 9.30 horas en primeira convocatoria e para as 10.00 horas en segunda.