Visita dunha delegación do Bloque Nacionalista Galego, encabezada pola portavoz nacional Ana Pontón, para realizar unha reunión de traballo coa dirección do Centro de Investigacións Biomédicas da Universidade de Vigo, Cinbio, de cara a coñecer máis de preto o labor de investigación que se fai neste centro.

Ademais da portavoz nacional, Ana Pontón, participarán na visita a viceportavoz Olalla Rodil e a representante do BNG no Parlamento Europeo, Ana Miranda. Por parte do Cinbio participarán na xuntanza e posterior visita o director Miguel Correa; a subdirectora, Diana Valverde, e a xestora Noa Caramés.