Para conmemorar o Día Internacional da Muller e a Nena nas TICs, a Escola de Enxeñaría de Telecomunicación organiza, co apoio da Cátedra Indra-UVigo en enxeñaría e tecnoloxía, a Xornada Elas Fan TIC na que vai participar estudantado de 5º e 6º de primaria de dous centros eduacativos da contorna. O obxectivo é darlle visibilidade ás carreiras tecnolóxicas e de enxeñaría para que o estudantado máis novo as poida valorar como unha opción de futuro.

A actividade consistirá nun obradoiro de robótica con CuteBot impartido por alumnas da escola.