O Pazo da Cultura acolle a xornada Infancia e adolescencia. Unha cara oculta da violencia de xénero, que a Universidade de Vigo promove xunto coa Deputación e o Concello de Pontevedra. Coordinada pola profesora da Facultade de Ciencias da Educación e do Deporte María Álvarez Lires e inserida no proxecto de investigación Redes de innovación para la inclusión educativa y social, a xornada, que reunirá a 150 persoas, busca afondar ne diferentes aspectos dos efectos que a violencia machista ten na infancia e na mocidade. 

A presentación deste proxecto por parte de Azuzena arias, Daisy Alcalde e Iria Vázquez, verase complementada pola conferencia que a psicóloga clínica Sonia Váccaro centrará nas fillas e fillos como vítimas da violencia de xénero, así como polos catro obradoiros que se desenvolverán de xeito simultáneo ao longo da tarde.