Para amosar a súa oferta académica, a Universidade de Vigo organiza a Xornada de Orientación Universitaria, entre as 10.00 e as 13.00 h, dirixida ao alumnado de secundaria, bacharelato e ciclos formativos de grao superior. 

Ao longo desta xornada o alumnado participante poderá visitar as mesas informativas dos centros universitarios, delegacións de alumnado e servizos para recibir detalles sobre a súa oferta académica e vida universitaria. Tamén poderán asistir ás charlas xerais.

Charlas informativas na Facultade de CC Económicas e Empresariais

Salón de actos da Facultade de Ciencias Económicas e Empresariais. Charlas informativas de carácter xeral (oferta de titulacións nos tres campus, servizos e instalacións da Universidade de Vigo):

10.00-10.30h

10.40-11.10h

11.30-12.00h

12.10-12.40h

Feira no pavillón universitario (de 10.00 a 13.00h):

• Postos dos centros da UVigo
  Información dos diferentes estudos ofertados na Universidade de Vigo.
• Delegacións e asociacións estudantís
  Atención e asesoramento sobre temas concretos da universidade e da vida universitaria. 
• Servizos da Universidade de Vigo
  Información de deportes, voluntariado e cooperación, residencias universitarias, cultura e ocio...
  
  A xornada contará con actuación musical, bebida, agasallos e moito máis.