Asisten: Ernesto Pedrosa, presidente do Consello Social da Universidade de Vigo e Yolanda Trinidad Lesmes, xerenta da Universidade de Vigo

A Xerencia e o Consello Social organizan unha xornada de formación sobre Prevención da fraude e dos conflitos de interese. O evento está  dirixido ao persoal pertencente á Universidade de Vigo e preferentemente recoméndase a asistencia a aquelas persoas que traballen con expedientes dos fondos PRTR.

O programa artéllase arredor dunha conferencia sobre o escenario normativo dos plans antifraude para entidades executoras de fondos PRTR, que imparte Antonio Arias Rodríguez, ex-síndico de contas do Principado de Asturias e membro do Consello Social da Universidade de Oviedo, e dun obradoiro sobre conflitos de interese, no que se presentarán dez casos prácticos para debater da man de José Ramón Chaves García, maxistrado especialista do contencioso-administrativo no TSJ de Asturias.